Bakının iki rayonunda çoxmənzilli binaların səyyar qeydiyyatı aparılacaq

Bakının iki rayonunda çoxmənzilli binaların səyyar qeydiyyatı aparılacaq
09:22 18 Yanvar 2020
56 Digər
Ölkə mətbuatı
A- A+

“Əmlakını qeydiyyata al və mülkiyyətinə sahib ol” kampaniyası bu dəfə yanvarın 21-24-də Nərimanov və Nizami rayonlarında istismarına icazə verilmiş binalarda keçiriləcək.
Bu barədə “Report” İqtisadiyyat Nazirliyinə istinadən xəbər verir.
Məlumata görə, səyyar qeydiyyat xidmətindən yanvar 21-də Nərimanov rayonu, Xan Şuşinski küçəsi, 955-ci məhəllə, yanvar 22-də saat 9:00-13:00-dək Nərimanov rayonu, C.Hacıbəyli küçəsi, 99 və 101, saat 14:00-dan 18:00-dək isə Nizami rayonu, E.Süleymanov küçəsi, 2383-cü məhəllə ünvanlarında yerləşən binaların sakinləri yararlana biləcəklər.
Nizami rayonu üzrə kampaniya 23 yanvarda Ş. Mirzəyev, T. Abbasov və R. Teymurov küçələrinin kəsişməsində, 2444-cü məhəllə, 24 yanvarda isə E.Süleymanov küçəsi, 59 ünvanlarındakı çoxmənzilli binalarda davam etdiriləcək və ümumilikdə, 815 mənzili əhatə edəcəkdir.
Qeyd edək ki, mənzillərini dövlət reyestrində qeydiyyata almaq istəyənlər şəxsiyyət vəsiqəsi, protokoldan çıxarış və maliyyə arayışı olmaqla ilkin sənədlərlə mobil ofislərə müraciət edə bilərlər.

Xəbərin orijinal ünvanı: https://report.az/biznes/nerimanov-ve-nizami-rayonlarinda-coxmenzilli-binalarin-seyyar-qeydiyya

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR