Kiprin futbol çempionatının oyunları yarışın hakimlərindən birinin həyatına sui-qəsd cəhdinə görə təxirə salınıb.
Publika.az xəbər verir ki, bu barədə Kiprin Futbol Federasiyasının mətbuat xidməti məlumat yayıb.
Məlumata görə, 33 yaşlı hakim Andreas Konstantinin avtomobili minalanıb. Polis sui-qəsd cəhdinin hakimin evinin yaxınlığındakı dayanacaqda edildiyini bildirib. Partlayışdan sonra avtomobilə ciddi zərər dəysə də, hakimə heç nə olmayıb.
