Bakı, 17 yanvar, AzərTAc
Meteoroloji müşahidələr tarixində ötən il dünyanın ən isti ili olub.
AzərTAc-ın BBС-yə istinadən verdiyi məlumata görə, ötən il su və havanın orta temperaturu müntəzəm meteoroloji qeydlərin aparıldığı 1880-ci ildən bəri ən yüksək həddə olub. Bu barədə NASA və Milli Okean və Atmosfer Administrasiyasının hesabatında bildirib.
Rekord temperatur bir çox Avropa ölkələrində, eləcə də Avstraliya və ABŞ-da qeydə alınıb. Ümumdünya Meteorologiya Təşkilatının nümayəndələri bildiriblər ki, 2014-cü ilin yanvar-oktyabr aylarında planetdə havanın temperaturu orta göstəricidən 0,57 dərəcə yüksək olub.
