İran parlamentinin nüfuzlu spikeri bazar günü bildirib ki, əgər Avropa qüdrətləri "hər hansı səbəbdən" 4 illik nüvə sazişi ilə bağlı mübahisə mexanizminə "ədalətsiz" yanaşma göstərsələr, Tehran Beynəlxalq Atom Enerjisi Agentliyi ilə əməkdaşlıq məsələsini ciddi şəkildə nəzərdən keçirəcək.
"Avropanın üç ölkəsinin İranın nüvə məsələsi ilə bağlı etdikləri təəssüf döğurur" - deyə, Tehranın nüvə danışıqlarında keçmiş vasitəçisi olmuş Əli Laricani bildirib.
Almaniya, Britaniya və Fransa keçən həftə İranın nüvə proqramını məhdudlaşdırması müqabilində beynəlxalq sanksiyaların aradan qaldırılmasını nəzərdə tutan Birgə Əhatəli Fəaliyyət Planında (Joint Comprehensive Plan of Action-JCPOA) mübahisə mexanizmini işə saldıqlarını bildirib.
"Biz açıq bildiririk ki, əgər Avropa hər hansı səbəbdən nüvə sazişindəki 37-ci maddədən ədalətsiz şəkildə istifadə etsə, İran agentliklə əməkdaşlıqla bağlı ciddi bir qərar verəcək", Laricani bildirib.
Çin, Rusiya və Birləşmiş Ştatlarla sazişi imzalayan Avropa ölkələri bu mexanizmlər BMT-in İrana qarşı sanksiyalarına səbəb ola biləcəyinə baxmayaraq, Vaşinqtonun Tehranın davranışını dəyişməsi üçün bir ildir tətbiq etdiyi "maksimum təzyiq" kampaniyasına qoşulmayacaqlarını bildirib.
ABŞ-ın sazişdən çıxmasından sonra İran əsas məhdudiyyətləri pozaraq, icazə verilən ağır su və uran ehtiyatlarını və uran zənginləşdirilməsi üçün işlətdiyi sentrifuqaların sayı və növünü, eləcə də uranın şəffaflıq səviyyəsini artırıb.
Milli.Az
