PSJ-nin futbolçusu Kilian Mbappe "Real"a keçmək niyyətini bir daha büruzə verib.
Goal.az xəbər verir ki, Mbappe "Real"ın baş məşqçisi Zinəddin Zidan barədə danışıb. O, Zidanın bütün fransız uşaqların kumiri olduğunu vurğulayıb:
"Mənim kumirim kim olub? Bununla bağlı müxtəlif dövrlər olub. Uşaq olanda kumirim Zidan idi. Əgər sən fransız uşağısansa, idealın o olmalıdır.
Ondan sonra isə Kriştianu Ronaldu oldu. Daha sonra braziliyalıların oyununa vuruldum. Onların oyun manerası məni cəlb edirdi".
21 yaşlı futbolçunun adı mütəmadi olaraq "Real"la hallanır.
Milli.Az
