Türkiyənin Elazığ vilayətində baş verən 6,8 bal gücündəki zəlzələdən sonra bir neçə tikili yerlə bir olub.
Publika.az yerli mənbələrə istinadən xəbər verir ki, bölgədə çəkilən görüntülərdə binaların ciddi şəkildə zərər gördüyü, bir neçə tikilinin isə tamamilə dağıldığı əks olunub. Dağıntılar altında çox sayda insanın qaldığı deyilir.
Xatırladaq ki, Elazığda baş verən zəlzələ nəticəsində azı 4 nəfər həyatını itirib. 140-dan çox yaralı var. 6,8 bal gücündəki zəlzələdən sonra bölgədə 30-dan çox afterşok qeydə alınıb.
Anar Türkeş