Hacıqabul Rayon Polis Şöbəsinin əməkdaşları narkotik vasitələrin qanunsuz dövriyyəsi ilə məşğul olmaqda şübhəli bilinən rayon sakini, əvvəllər məhkum olunmuş 54 yaşlı Mais Məmmədovu həyata keçirilən əməliyyat-axtarış tədbirləri nəticəsində saxlayıblar.
Daxili İşlər Nazirliyinin mətbuat xidmətinin Şirvan regional qrupundan Metbuat.az-a verilən məlumata görə, polis şöbəsində M.Məmmədovun üzərində axtarış aparılan zaman polietilen torbada 265 qram qurudulmuş marixuana aşkarlanaraq götürülüb.
Faktla bağlı Hacıqabul Rayon Polis Şöbəsində təhqiqat aparılır.