"Qarabağ" Türkiyədə növbəti yoxlama oyununu keçirib.
Publika.az-ın məlumatına görə, komandamız Çexiyayanın "Siqma" klubu ilə üz-üzə gəlib. Matş Ağdam təmsilçisinin 1:3 hesablı məğlubiyyəti ilə yekunlaşıb.
Rəqib 23-cü dəqiqədə hesabı açıb. Birinci hissədə başqa qol vurulmayıb. 59-cu dəqiqədə Qurban Qurbanovun oğlu Musa Qurbanlı bərabərlik qoluna imza atıb. İki dəqiqə sonra isə Çexiya klubu yenidən önə keçib. "Siqma" matçın sonlarında daha bir qol vura bilib.