Bakıda yeni qeyri-adi yol nişanlarına rast gəlmişik. Milli.Az avtosfer.az-a istinadən xəbər verir ki, Bakının mərkəzi prospektlərindən birində - Parlament prospektində quraşdırılan bu lövhələr adi yol nişanları kimi tətbiq olunub. Amma nə ölkəmizin qanunvericiliyində, nə də yol nişanlarına dair beynəlxalq konvensiyada belə nişan yoxdur. Belə olan halda bu nədir və kimə lazımdır? Hər gün bu prospektdən dəfələrlə o yan-bu yana keçən müvafiq səlahiyyətli şəxslər bunu görmürlərmi? Bəlkə, biz məlumatsızıq, belə nişan doğrudanmı var? Bütün bunlara aydınlıq gətirmək üçün həmin prospektdə xidmət edən DYP əməkdaşlarından soruşuruq: cənab polislər, bu hansı nişandır və nəyi ifadə edir? Zəhmət deyilsə, bunu bizə də öyrədin.Parlament prospektində hələlik heç kimə məlum olmayan yol nişanları quraşdırılıb
Milli.Az
