Malidə hərbi hissəyə irimiqyaslı hücum təşkil edilib.
Publika.az xəbər verir ki, hadisə nəticəsində aralarında yüksək rütbəli hərbçilər də olmaqla azı 20 əsgər həlak olub. Çox sayda yaralı var. Yerli mənbələrin məlumatına Sokolo şəhərində törədilən hücum zamanı hərbi hissənin ərazisindəki və ətrafda yerləşən binalara ciddi ziyan dəyib. Hücumda azı 10 silahlı iştirak edib. Onlar ağır silahlardan istifadə ediblər. Hadisədən sonra silahlılar aradan çıxmağa müvəffəq olublar.
Qanlı olayın hansı qruplaşma tərəfindən təşkil olunduğu məlum deyil. Hücumdan sonra əraziyə əlavə hərbi qüvvələr göndərilib. Silahlıların zərərsizləşdirilməsi üçün əməliyyatlar başlayıb.
Anar Türkeş
