Bakı. Elçin Mehdiyev – Trend:
Bir namizədin hansısa formada digər bir namizədə qarşı kampaniya aparması yolverilməzdir.
Trend-in məlumatına görə bunu Mərkəzi Seçki Komissiyasının (MSK) sədri Məzahir Pənahov MSK-nın bu gün keçirilən iclasında deyib.
M.Pənahov bəzi namizədləri ədalətli olmağa çağırıb: “Biz bütün namizədlər üçün bərabər şərait yaratmışıq. Lakin bu vəziyyətdən düzgün istifadə etmək lazımdır. Namizədlərin hansısa yolla bir-birinə qarşı kampaniya aparması qanunvericiliyə ziddir və biz buna heç cür imkan verə bilmərik”.
MSK sədri vurğulayıb ki, deputatlığa namizədlər öz qələbələrini başqalarının məğlubiyyəti üzərində qurmamalıdır.
Trend-in ən mühüm və maraqlı xəbərlərini "Telegram"da izləyin
