"Azərbaycan Prezidenti İlham Əliyevin Türkiyəyə səfəri çox möhtəşəm bir tarixi səfər idi".
Bunu Prezident Administrasiyası rəhbərinin müavini, administrasiyanın Beynəlxalq əlaqələr şöbəsinin müdiri Novruz Məmmədov deyib.
Onun sözlərinə görə, hər şeydən əvvəl bu səfər yeni ildə Azərbaycan Prezidetinin ilk səfəri idi, özü də bu səfər dövlət səfəri oldu.
"Bu səfər, qarşılanma iki ölkə münasibətlərinin 2020-ci ilə qədər inkişaf istiqamətlərinin müəyyən edilməsində mühüm addım oldu. Səfər zamanı enerji, iqtisadi əməkdaşlıq, turizm, xüsusilə müdafiə sənayesi sahəsində əməkdaşlığa xüsusi yer verildi".
