ABŞ prezidenti Donald Tramp Senatda impiçment proseduru üzrə bəraət qazanması barədə fevralın 6-sı açıqlama verəcək.
Trend-in "TASS"a istinadən verdiyi məlumata görə, bunu ABŞ prezidenti öz "Twitter" səhifəsində yazıb.
D.Tramp impiçment prosesində qələbəsi ilə bağlı bəyanatı yerli vaxtla saat 12:00-də verəcəyini bildirib.
Xatırladaq ki, daha əvvəl ABŞ Konqresinin Senatı ölkə prezidenti Donald Trampa impiçment proseduru çərçivəsində ittihamın hər iki bəndi üzrə bəraət qazandırıb.
İlk maddənin lehinə 48, əlehinə - 52 senator, ikinci maddənin lehinə 47, əlehinə isə 53 senator səs verib.
Beləliklə, impiçment prosesi başa çatıb.
Milli.Az
