"Azərişıq" ASC Yardımlı Elektrik Şəbəkəsinin əməkdaşı bədbəxt hadisə nəticəsində ölüb.
Publika.az xəbər verir ki, hadisə Yardımlının Telavar kəndində qeydə alınıb. İdarənin əməkdaşı, 1991-ci il təvəllüdlü İmanov Nicat İnşalla oğlu elektrik dirəyində təmir işləri apararkən ehtiyatsızlıqdan naqilə toxunub. O, hadisə yerində vəfat edib.
Qeyd edək ki, N.İmanov bir neçə gün əvvəl 29 yaşını tamam edib və yeni ailə qurubmuş.
Faktla bağlı cinayət işi açılıb, araşdırma aparılır.
Muxtar
