Bakı. Hafiz Heydərov – APA. Daxili İşlər Nazirliyi (DİN) Sumqayıtda baş vermiş partlayışla bağlı məlumat yayıb. APA-nın nazirliyin saytına istinadən verdiyi xəbərə görə, yanvarın 16-da saat 18.00 radələrində Sumqayıt şəhərinin Sülh küçəsində yerləşən avtomobillərin təmiri sexinin yaxınlığından keçən qaz borusunda təbii qazın sızması nəticəsində partlayış baş verib. Nəticədə sexin dam örtüyü uçub, orada olan 3 avtomobilə qismən ziyan dəyib, yanıq xəsarətləri almış şəhər sakinləri Emin İmanquliyev və Azər Məmmədov xəstəxanaya yerləşdiriliblər.