Suriyanın Türkiyə ilə sərhəddə yerləşən Təlabyad şəhərinin mərkəzində güclü partlayış baş verib.
Publika.az Türkiyə mənbələrinə istinadən xəbər verir ki, partlayış zamanı çox sayda insan həlak olub. Yaralılar var. Məlumata görə, terror aktı bazarda törədilib. Hücum minalanmış avtomobilin partladılması ilə həyata keçirilib. Partlayışa görə məsuliyyəti hələlik heç bir qruplaşma üzərinə götürməsə də, hücumun PKK-YPG terrorçuları tərəfindəən təşkil edildiyi güman edilir.
Qeyd edək ki, Təlabyad Türkiyə ordusunun nəzarətindədir.
Anar Türkeş
