Bu gün Azərbaycan Dövlət Neft Şirkətinin (SOCAR) “Azəriqaz” İstehsalat Birliyində yeni növ koronavirus (2019-nCOV) xəstəliyinin yayılması ilə bağlı maarifləndirici tədbir keçirilib.
“Report”un “Azəriqaz”a istinadən verdiyi məlumata görə, tədbirdə Birliyin idarə, departament və şöbələrində çalışan işçi personalı iştirak edib.
Yeni növ virusla bağlı çıxış edən SOCAR-ın Ekologiya İdarəsinin Gigiyena və Epidemiologiya Mərkəzinin Epidemiologiya şöbəsinin rəisi Nizami İsmayılov xəstəliyin simptomları, onun yayılma və ondan qorunma yolları barədə ətraflı məlumat verib.
