İtaliyanın Antholz-Anterselve şəhərində keçirilən dünya çempionatında Rusiya biatlonçularına qarşı reydlər keçirilib.
"Report" RİA "Novosti"yə istinadən xəbər verir ki, polis idmançıların qaldığı otelin otaqlarında axtarışlar aparıb.
Rusiya Biatlon Birliyinin birinci vitse-prezidenti Aleksey Nujdov bildirib ki, otaqlar axtarılıb və noutbuklar ələ keçirilib.
Qeyd edək ki, fevralın 13-də başlayan dünya çempionatına sabah yekun vurulacaq.
