Kərəviz bitkisi həzm sistemi, göz sağlamlığı, arıqlamaq kimi bir çox şeyə faydalıdır.
Milli.Az medicina.az-a istinadən bildirir ki, hər səhər kərəviz suyu içmək ümumi sağlamlığı yaxşılaşdırmaq və arıqlamaq üçün yeni bir sağlamlıq trendinə çevrilib. Kərəvizin və onun suyunun müxtəlif sağlamlıq faydaları olduğunu deyilir.
-Kərəviz suyu güclü iltihab əleyhinə bir xüsusiyyətə malikdir. O xəstəliyə səbəb olan patogenləri zərərsizləşdirir və iltihabın qarşısını alır. Elmi məlumatlar kərəviz suyunun tərkibində flavon adlı antioksidan birləşmələrin olduğunu aşkar etdi. Flovan, bədəndə xroniki iltihaba səbəb olan xüsusi reaksiyaları dayandıraraq xroniki xəstəliklərin riskini azaldır.
-Həzm sistemini tənzimləyən kərəviz suyu bağırsaq və qaraciyərə dostdur. Mütəmadi olaraq istehlak edildikdə, kərəviz suyu qaraciyəri təmizləyir və bağırsaqların daha müntəzəm işləməsinə kömək edir. Tərkibindəki natrium sayəsində toksinlərin atılmasını asanlaşdırır və mədə membranının sağalmasını və bərpasını təmin edir.
-Kərəvizdəki fermentlər mədədə xlor turşusunu artırmağa çalışır ki, qida asan həzm olunsun və fermentləşdirilməsin. Hər gün müntəzəm olaraq yarım litr kərəviz suyu istehlak etməyiniz qısa müddətdə həzm sisteminizi yaxşılaşdıra bilər.
-Kərəviz zədələnmiş sümükləri bərpa etməyə və gücləndirməyə kömək edən kalsium və silikonla zəngindir. Bədənin pH səviyyəsini tarazlaşdırır, sağlam hüceyrələri saxlayır və bədənin əsas mineral səviyyəsini tarazlıqda saxlayır. Beləliklə, ürək xəstəliyi riskini azaldır, immunitet sistemini gücləndirir.
Kərəviz suyu necə hazırlanır?
Tərkibi: 6 ədəd kərəviz sapı, 2 ədəd limon , 6 stəkan su, bir ovuc cəfəri
Kərəviz budaqlarını dilimləyin. Limon suyu, kərəviz budaqları, cəfəri və suyu blenderdən keçirin. Tərkibləri tam qarışana qədər qarışdırmağa davam edin. Hazırlandıqdan sonra boş mədəyə için.
Qeyd etmək lazımdır ki, çəkiniz ümumiyyətlə gün ərzində istehlak etdiyiniz kalori miqdarından asılıdır. Kərəviz suyu kaloridə nisbətən azdır və 500 ml tərkibində 85 kalori var. Şirin qəhvə və ya meyvə soda kimi yüksək kalorili içkilərin kərəviz suyu ilə əvəz edilməsi, arıqlamaq istəsəniz, daha yaxşı seçimdir.
Milli.Az
