Azərbaycanda qoruqlar, muzeylər dezinfeksiya edildi

Azərbaycanda qoruqlar, muzeylər dezinfeksiya edildi
10:38 10 Mart 2020
125 Ölkə
Ölkə mətbuatı
A- A+

Dövlət Turizm Agentliyinin tabeliyində fəaliyyət göstərən qoruq və təhsil müəssisələrində koronavirus (COVİD-19) epidemiyasına qarşı tibbi-profilaktik, dezinfeksiyaedici tədbirlər həyata keçirilib.

Agentlikdən Publika.az-a verilən məlumata görə, Nazirlər Kabinetinin yanında operativ qərargahın bütün təhsil müəssisələrində dezinfeksiya işlərinin aparılması ilə bağlı qərarına uyğun olaraq Azərbaycan Turizm və Menecement Universiteti, Bakı Turizm Peşə Məktəbi və Mingəçevir Turizm Kollecinin tədris binalarında və həyətyanı sahələrində bu istiqamətdə tədbirlər görülüb.

Eyni zamanda Şəkinin "Yuxarı Baş" Dövlət Tarix-Memarlıq Qoruğunun Narın Qala divarları daxilində, eləcə də digər obyektlərdə dezinfeksiya işləri aparılıb, qabaqlayıcı tədbirlərin həyata keçirilməsi intensivləşdirilib.

Dezinfeksiya işləri qoruğun inzibati binaları, Şəki Xan Sarayı və onun həyəti, Dairəvi Məbəd, Şəki xanlarının ev muzeyi, Şəki Tarix-Diyarşünaslıq Muzeyi, Şəki Dövlət Rəsm Qalereyası, “Sənətkarlar evi” binası və digər obyektlərdə həyata keçirilib.

“Kiş” Tarix-Memarlıq Qoruğunun obyektlərində də dezinfeksiya işləri baş tutub.

Dezinfeksiya işlərinin aparıldığı obyektlər martın 8-dən etibarən xidmətə açılıb.

Mart və aprel ayları ərzində Dövlət Turizm Agentliyinin tabeliyindəki digər qoruqlarda da önləyici tədbirlərin görülməsi planlaşdırılır.


Xəbərin orijinal ünvanı: https://publika.az/news/sosial/307303.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR