Kəpəz TV (Region TV) xəbər verir ki, 28 yaşlı sürücü idarəetməni itirərək "VAZ 21-06" markalı avtomobilini elektrik dirəyinə çırpıb.
Hadisə Bakı-Qazax-Gürcüstan avtomobil yolunun Qazax rayonu ərazisində baş verib. Qəza zamanı sükan arxasında olan, Xeyrimli kənd sakini Elvin Abbasov ağır bədən xəsarətləri alaraq Qazax Müalicə-Diaqnostika Mərkəzinə yerləşdirilib.
Qəza baş verən əraziyə baxış keçirən Yol Polisi Xidmətinin əməkdaşları hadisəyə ilkin səbəb kimi sürücünün düzgün manevr etməməsini göstəriblər. Xəstəxanaya yerləşdirilən sürücünün vəziyyətini həkimlər orta-ağır qiymətləndirirlər. Faktla bağlı araşdırma aparılır.
Milli.Az
