“Samsung” şirkəti “Wi-Fi 6” dəstəkli “8K” televizor təqdim edib

“Samsung” şirkəti “Wi-Fi 6” dəstəkli “8K” televizor təqdim edib
07:42 12 Mart 2020
Ölkə mətbuatı
A- A+

"Samsung" və "MediaTek" şirkətləri "Wi-Fi 6" standartını dəstəkləyən dünyanın ilk "8K QLED" televizorunu təqdim edib. Seriyaya "Q950" və "Q900" modelləri daxildir.

Milli.Az ictnews.az-a istinadən bildirir ki, yeni məlumat ötürmə standartı onlayn translyasiyalara baxış zamanı maksimal sürəti təmin edəcək. Rəqəmlərdə "Wi-Fi 6" dəstəkli uyğun marşrutlayıcının mövcud olması şərti ilə 13 Qbit/saniyəyədək buraxılış qabiliyyəti qeyd olunur.

Gələcəkdə Cənubi Koreya istehsalçısının digər televizorlarının da yeni məlumat ötürmə standartı ilə təchiz ediləcəyi gözlənilir. Lakin hazırda konkret modellər barədə məlumat verilmir.

Məlumata görə, "Samsung" bahalı "ağıllı" televizorlar seqmentinin artımını stimullaşdırır. Bu isə öz növbəsində Çinin "MediaTek" çip istehsalçısına innovativ həlləri bazara çıxarmağa imkan verir.

Qeyd edək ki, "Wi-Fi 6" dəstəkli "MediaTek" çipləri əksər marşrutlayıcı və şəbəkə qurğularına quraşdırılıb.

Milli.Az


Xəbərin orijinal ünvanı: https://news.milli.az/interest/832478.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR