Koronavirus pandemiyasının yayılma arealı genişlənir

Koronavirus pandemiyasının yayılma arealı genişlənir
14:07 12 Mart 2020
86 Digər
Ölkə mətbuatı
A- A+

Fransa Polineziyasında koronavirusa ilk yoluxma faktı qeydə alınıb.
“Report” “RİA Novosti”yə istinadən xəbər verir ki, bunu dənizaşırı kollektivliyin prezidenti Eduar Friç açıqlayıb.
Onun sözlərinə görə, virusa Fransa Milli Assambleyasının deputatı yoluxub. Deputat martın 7-də Fransadan qayıdıb.
Qeyd edək ki, Fransanın dənizaşırı kollektivliyi və təsisçi ölkəsi olan Fransa Polineziyası Cənubi Sakit Okeanın mərkəzində yerləşir. Əhalisi 280 min nəfərdən ibarətdir. Ölkə Fransız Ali Komissarlığı tərəfindən idarə olunur.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda epidemiya 124 ölkədə qeydə alınıb.
Dünyada koronavirus infeksiyasına indiyədək yoluxanların sayı 126 625-ə çatıb. Bunların 68 325 nəfəri sağalıb, 4 638 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib. 

Xəbərin orijinal ünvanı: https://report.az/diger-olkeler/koronavirus-pandemiyasinin-yayilma-areali-genislenir

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR