Rusiya Premyer Liqasında yeni dəyişiklik baş verəcək. Avrasiya İqtisadi İttifaqına (Aİİ) üzv ölkələrdən olan idmançılar legioner hesab edilməyəcəklər.
ANS PRESS-in məlumatına görə, bunu Rusiyanın idman naziri Vitali Mutko Sport-Express-ə bildirib.
O deyib ki, gələcəkdə nazirlik Avrasiya İqtisadi İttifaqına daxil olan ölkələrin futbolçuları üçün legioner statusunun ləğvi haqqında məsələyə baxacaq.
Xatırladaq ki, Rusiya, Belarus, Qazaxıstan və Ermənistan bu təşkilatın üzvüdür. Bu il mayın 29-da Qırğızıstanın Avrasiya İqtisadi İttifaqına qoşulması gözlənilir.