"Düşmən çox təhlükəlidir, gözə görünmür və hücumdadır".
Publika.az xəbər verir ki, bu sözləri Milli Məclisdə çıxışı zamanı deputat Elman Nəsirov deyib. O, bildirib ki, koronavirusla mübarizədə informasiya təhlükəsizliyi məsələləri olduqca aktualdır: "Təklif edirəm ki, mobil operatorlar operativ olsunlar. Gün ərzində milyonlarla insan telefon zəngi edir. Hər kəsin mobil telefonu var. Zəng gedəndə ilk 10-15 saniyədə koronavirusla bağlı lazımi informasiya öz əksini tapsın. Həmçinin təklif edirəm ki, tibbi ləvazimatların ölkəyə daxil olmasında vergi və gömrük güzəştləri tətbiq edilsin".
