Türkiyədə koronavirusdan dördüncü ölüm faktı qeydə alınıb.
“Report” xəbər verir ki, bu barədə ölkənin səhiyyə naziri Fahrettin Koca bildirib. Onun sözlərinə görə, virusa yoluxanların ümumi sayı gün ərzində demək olar ki, iki dəfə artaraq 359 nəfərə çatıb.
“Son 24 saat ərzində keçirilən 1 981 testdən 168-i müsbət olub. Xəstələrin sayı 359-a çatıb. Təəssüf ki, 85 yaşlı bir qadını itirdik. Dünyasını dəyişənlərin sayı dördə çatdı”, - deyə nazir “Twitter”dəki səhifəsində yazıb.
Koronavirus ilk dəfə Türkiyədə martın 11-də yerli sakində aşkarlanıb. Həmin şəxs Avropadan qayıdıb.
