Salyanda bıçaqlanma hadisəsi baş verib.
“Report”un Aran bürosu xəbər verir ki, hadisə rayonun Qardili kəndində qeydə alınıb.
Kənd sakini, 1990-cı il təvəllüdlü Babayev Elmir Namiq oğlu sol qabırğa altının kəsilmiş-deyilmiş yarası ilə Salyan Mərkəzi Rayon Xəstəxanasına daxil olub. Yaralı əməliyyat olunduqdan sonra cərrahiyyə şöbəsinə yerləşdirilib. Həkimlər onun vəziyyətini orta-ağır kimi qiymətləndirirlər.
İlkin məlumata görə, E.Babayev tanımadığı şəxs tərəfindən bıçaqlanıb.
Faktla bağlı araşdırma aparılır.
