Kəpəz TV (Region TV) xəbər verir ki, Gəncə şəhəri, Cavadxan küçəsində bir nəfərin ağır yaralanması ilə nəticələnən ağır yol nəqliyyat hadisəsi baş verib. Hadisə bu gün saat 16 radələrində qeydə alınıb. Gəncə sakinləri - 19 yaşlı İslam Şahbazova məxsus “Hyundai” və 21 yaşlı Abbas Kərimova məxsus “Niva” markalı avtomobil toqquşub. Nəticədə “Niva”nın sərnişini, 21 yaşlı Orxan Qarayev ağır bədən xəsarətləri alaraq Gəncə Şəhər Təcili Tibbi Yardım Xəstəxanasına çatdırılıb. Həkimlər onun vəziyyətini ağır qiymətləndirirlər.
Avtomobil qəzasının baş verməsinə səbəb “Niva”nın “Hyundai”n yoluna çıxması olub. Faktla bağlı araşdırma aparılır.
Milli.Az