Koronavirus pandemiyasının mənbəyi olan Çinin Hubey əyalətində səyahət məhdudiyyəti aradan qaldırılır.
Milli.Az Trend-ə istinadən bildirir ki, martın 25-dən etibarən Uhan şəhəri istisna olmaqla əyalət ərazisindəki sağlam sakinlər sərbəst hərəkət edə və iş yerlərinə qayıda biləcək.
Həmçinin sakinlərin digər əyalətlərə giriş-çıxışına da icazə veriləcək.
Uhan şəhərində isə səyahət məhdudiyyətinin aprelin 8-dək qüvvədə qalacağı bildirilib.
Qeyd edək ki, Hubey əyalətində məhdudiyyət rejimi yanvarın 23-də qüvvəyə minib.
Milli.Az
