"Marakana" stadionu koronavirus xəstəxanası kimi fəaliyyət göstərəcək

"Marakana" stadionu koronavirus xəstəxanası kimi fəaliyyət göstərəcək
02:52 27 Mart 2020
81 Digər
Ölkə mətbuatı
A- A+

Rio-de-Janeyronun özündə məşhur "Marakana" stadionunu da birləşdirən idman kompleksi xəstələr üçün müvəqqəti koronavirus hospitalına çevriləcək.
“Report” xəbər verir ki, bu barədə yerli hakimiyyətə istinadən “Reuters” agentliyi xəbər verir.
Şəhər hakimiyyəti hələ "Marakana"da neçə xəstəxana çarpayısının yerləşdiriləcəyi məsələsini həll etməyib. Həmçinin hospitalın futbol meydanında və ya kompleksin başqa yerində açılacağı da məlum deyil.
Braziliya Səhiyyə Nazirliyinin son məlumatına əsasən, ölkədə infeksiyaya yoluxma hallarının sayı 2,9 mini ötüb, 78 nəfər virusun qurbanı olub.
"Marakana" dünyanın məşhur stadionlarından biridir. Onun açılışı 1950-ci ilin futbol üzrə dünya çempionatına uyğunlaşdırılıb. Burada 2014-cü ildə futbol mundialının finalı keçirilib, həmçinin 2016-cı il Olimpiada oyunlarının açılış və bağlanış mərasimləri “Marakana”da olub.


Xəbərin orijinal ünvanı: https://report.az/maraqli/marakana-stadionu-koronavirus-xestexanasi-kimi-fealiyyet-gosterecek

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR