Bakı, 17 yanvar, AzərTAc
Yanvarın 19-dan 23-dək Almaniyanın Hohenfels şəhərində “Combined Resolve-4” təliminin əsas planlaşdırma konfransı, ayın 19-dan 30-dək isə Rumıniyanın Buxarest şəhərində təhlükəsizlik siyasəti və Avropaya inteqrasiya üzrə ixtisasartırma kursu keçiriləcək. Bununla yanaşı, yanvarın 19-dan fevralın 13-dək Böyük Britaniyanın Kollinqvud şəhərində zabitlər üçün eksklüziv iqtisadi zonanın mühafizəsi kursu təşkil ediləcək.
Müdafiə Nazirliyinin mətbuat xidmətindən AzərTAc-a bildiriblər ki, tədbirlərdə Azərbaycan Respublikası Silahlı Qüvvələrinin nümayəndələri də iştirak edəcəklər.