x
Loading...
.

Paytaxtın sənaye istehsalında qeyri-dövlət sektorunun payı 81% olub

Paytaxtın sənaye istehsalında qeyri-dövlət sektorunun payı 81% olub
10:07 1 Aprel 2020
115 Digər
Ölkə mətbuatı
A- A+
.

Bu ilin yanvar-fevral aylarında Bakı şəhərində sənayedə istehsal olunmuş malların və göstərilmiş xidmətlərin həcmi 6,4 mlrd. manat təşkil edib.
“Report”un Bakı Şəhər Statistika İdarəsinə istinadən verdiyi məlumata görə, sənaye məhsulunun 81,1%-i mədənçıxarma, 16,3%-i emal, 2%-i elektrik enerjisi, qaz və buxar istehsalı, bölüşdürülməsi və təchizatı, 0,6%-i isə su təchizatı, tullantıların təmizlənməsi və emalı sektorlarında istehsal olunub.
Sənayedə qeyri-dövlət sektorunun payı 80,7% olub. İstehsalın ümumi həcmində sənaye məhsulunun payı 86,9%, sənaye xarakterli xidmətlərin göstərilməsi isə 13,1% təşkil edib. İstehsal edilmiş məhsulun böyük hissəsi istehlakçılara göndərilib, əvvəlki dövrlərdə yaranmış ehtiyatlar da nəzərə alınmaqla sənaye müəssisələrinin anbarlarında bu ilin martın 1-nə 238,7 mln. manatlıq hazır məhsul ehtiyatı olub.
Sənaye müəssisələrinin anbarlarında başqa müəssisələrdən alınıb və satış üçün nəzərdə tutulmuş 65,2 mln. manat məbləğində digər məhsullar da mövcud olub.

Xəbərin orijinal ünvanı: https://report.az/i-nfrastruktur/paytaxtin-senaye-istehsalinda-qeyri-dovlet-sektorunun-payi-80-7-olub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR