Bu ilin yanvar-fevral aylarında Azərbaycandan 27,3 mln. ABŞ dolları məbləğində qızıl ixrac olunub.
“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin "İxrac İcmalı"nda bildirilir.
Bu məbləğin 11 mln. dolları fevral ayının payına düşüb.
Hesabatda deyilir ki, bu, 2019-cu ilin fevral ayının nəticələri ilə müqayisədə 0,5 mln dollar və ya 4,76% çoxdur.
Bu ilin iki ayında ixrac edilən qızıl məbləği isə ötən ilin müvafiq dövründən 35% çoxdur.
