Bakı, 17 yanvar, AzərTAc
Ötən il bütün maliyyə mənbələrindən əsas kapitala 17, 6 milyard manat vəsait yönəldilib.
Dövlət Statistika Komitəsindən AzərTAc-a verilən məlumata görə, həmin vəsaitin 72,3 faizi daxili mənbələr hesabına təmin edilib.
Sərmayələrin 63,9 faizi məhsul istehsalı, 36,1 faizi isə xidmət sahələri obyektlərinin inşasında istifadə olunub.
Dövlət mülkiyyətli müəssisə və təşkilatlar tərəfindən əsas kapitala yönəldilmiş vəsait ümumi sərmayənin 48,2 faizini təşkil edib.