Azərbaycan çempionu 2 oğlu ilə birlikdə karantinə alındı

Azərbaycan çempionu 2 oğlu ilə birlikdə karantinə alındı
06:08 5 Aprel 2020
267 İdman
Ölkə mətbuatı
A- A+

Karate üzrə müstəqil Azərbaycanın ilk çempionlarından olan İlyas Xəlilov və ailəsi karantinə alınıb.

Publika.az xəbər verir ki, bu barədə İlyas Xəlilovun özü açıqlama verib.

O bildirib ki, Rusiyadan qayıtdıqdan sonra karantinə alınıblar: "Martın 16-da idman gimnastları olan oğlanlarım – Hüseyn və Əlini məşqsiz qalmaması üçün Novosibirskə təlim-məşq toplanışına aparmışdım.

Həmin vaxt orada idman gimnastikası üzrə zallar bağlanmamışdı. Rusiyada olanda eşitdik ki, sərhədlər bağlanıb. Təyyarəmiz martın 27-si birbaşa Novosibirskdən qayıtmalı idi. Ancaq o reys ləğv olunmuşdu.

Ona görə də Moskvaya gəldik. Aprelin 2-də 123 nəfəri gətirən xüsusi təyyarə reysi ilə Azərbaycana qayıtdıq. Hazırda hoteldə karantin rejiminə alınmışıq. Şükür Allaha, buradakı durumumuzdan narazı deyilik. Dövlətin qoyduğu minimum 14 günlük karantin rejiminə əməl etməliyik”.


Xəbərin orijinal ünvanı: https://publika.az/news/idman/309787.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR