Wi-Fi 6” dəstəkli “Redmi” ev marşrutlayıcısı buraxılacaq

Wi-Fi 6” dəstəkli “Redmi” ev marşrutlayıcısı buraxılacaq
07:12 11 Aprel 2020
167 Maraqlı
Ölkə mətbuatı
A- A+

Çinin "Xiaomi" şirkətinə məxsus "Redmi" brendi ev istifadəsi üçün yeni marşrutlayıcı təqdim etməyə hazırlaşır.

Milli.Az ictnews.az-a istinadən bildirir ki, qurğu "AX1800" kod adı ilə göstərilir. Söhbət "Wi-Fi 6" və ya "802.11ax" standartını dəstəkləyən marşrutlayıcının hazırlanmasından gedir. Yeni standart "802.11ac Wave-2" standartı ilə müqayisədə simsiz şəbəkənin nəzəri buraxılış qabiliyyətini iki dəfə artırmağa imkan verir.

Məlumata görə, yeni "Redmi" qurğusu haqqında informasiya Çinin "China Compulsory Certificate" (3C) sertifikatlaşdırma saytında yerləşdirilib. Bu isə routerin rəsmi təqdimatının tezliklə baş tutacağından xəbər verir.

Qeyd edək ki, "Xiaomi" şirkəti bu yaxınlarda "Wi-Fi 6" marşrutlayıcısı olan "AX3600" qurğusunu nümayiş etdirib. Qurğu 2,4 və 5 QHs tezlik diapazonlarında iş imkanını təmin edən "Qualcomm IPQ8071" çipindən istifadə edir. Ən yüksək məlumat ötürmə sürəti 1,7 Qbit/saniyə təşkil edir.

"Redmi AX1800" routerinin texniki xüsusiyyətləri hələlik açıqlanmasa da, onun qiyməti 90 dollara bərabər "Xiaomi AX3600" modelindən ucuz olacağı bildirilir.

Milli.Az


Xəbərin orijinal ünvanı: https://news.milli.az/interest/840257.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR