Sərhəddən keçid aprelin 20-dək tam dayandırılıb - Generaldan açıqlama - VİDEO

Sərhəddən keçid aprelin 20-dək tam dayandırılıb - Generaldan açıqlama - VİDEO
22:27 13 Aprel 2020
110 Ölkə
Ölkə mətbuatı
A- A+

Qonşu ölkələrdən sərhədin açılması üçün ən çox Rusiyada yaşayan azərbaycanlılar müraciət ediblər.

Milli.Az Xəzərxəbər-ə istinadən xəbər verir ki, bu barədə eksklüziv müsahibəsində Dövlət Sərhəd Xidmətinin Sərhəd nəzarətinin rəisi, general-leytenant Abbas Xəlilov deyib.

Abbas Xəlilovun sözlərinə görə, Dövlət Sərhəd Xidməti və digər aidiyyatı qurumlar Rusiyada yaşayan vətəndaşlarımıza bütün mümkün vasitələrlə sərhədin bağlandığını və bununla bağlı növbəti qərar olana qədər gözləməyi tövsiyə ediblər. Ancaq Rusiyada yaşayan vətəndaşların müraciətləri hələ də davam etməkdədir.

Sərhəd nəzarətinin rəisi Rusiyada, eləcə də digər qonşu ölkələrdə yaşayan vətəndaşları Nazirlər Kabineti yanında Operativ Qərargahın qərarlarına riayət etməyə çağırıb. General-leytenant Abbas Xəlilov bildirib ki, qonşu dövlətlərdən sərhədi keçid yalnız cənazəsi olan şəxslər üçün mümkündür. İndiyə qədər qonşu dövlətlərdən 24 cənazənin keçidi təmin edilib. Bu zaman isə yenə xüsusi qaydalara əməl etmək vacibdir.

Sərhəd nəzarətinin rəisi onu da bildirib ki, sərhədlər bağlı olsa da yük daşımaları ilə bağlı hər hansı problem mövcud deyil və bu proses heç bir ləngimə olmadan həmişəki kimi davam etdirilir.

Milli.Az


Xəbərin orijinal ünvanı: https://news.milli.az/society/841727.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR