Azərbaycanın Gürcüstandakı səfirliyinin təşəbbüsü ilə ərzaq yardımı kampaniyası davam edir.
Milli.Az Trend-ə istinadən xəbər verir ki, aprelin 14-də Tbilisidə yaşayan az gəliri olan ailələrə ərzaq qutuları çatdırılıb.
Tədbirdə Azərbaycanın Gürcüstandakı səfiri Dursun Həsənov iştirak edib.
Səfir bildirib ki, aksiya iki ölkə arasında dostluq naminə keçirilir.
Qeyd edək ki, aprelin 9-da səfirlik Marneuliyə humanitar yük çatdırmışdı. Orada ailələrə 600 bağlama paylanmışdı. Aprelin 10-da Bolnisi bələdiyyəsində ehtiyacı olan 2 100-dən çox ailəyə ərzaq paketləri verilmişdi. Aprelin 11-də Rustavi və Qardabanidə yaşayan 200 sosial baxımdan həssas ailə yardım almışdı.
Milli.Az
