Koronavirus artıq elmə də böyük zərbələr vurmağa başlayıb. Belə ki, rusiyalı nüvə alimi Daniil Tlisov COVID-19-dan ölüb.
Milli.Az oxu.az-a istinadən xəbər verir ki, Rusiya Elmlər Akademiyası Nüvə Tədqiqatları İnstitutunun alimi, böyük adron sürətləndiricisi üzrə mütəxəssis, 39 yaşlı D.Tlisov martın 21-də Fransadan qayıdıb.
Aprelin 4-də o, özünü pis hiss edib və Moskvada xəstəxanaya yerləşdirilib. Koronavirus testi müsbət çıxan alimin vəziyyəti sonradan ağırlaşıb və o vəfat edib.
Qeyd edək ki, son məlumatlara görə, Rusiyada 21 102 koronavirusa yoluxma halı qeydə alınıb. Ümumilikdə, 170 nəfər ölüb, 1 694 nəfər sağalıb.
Milli.Az
