Azərbaycanda həkimlərə "üz sipəri" paylanıldı

Azərbaycanda həkimlərə "üz sipəri" paylanıldı
11:38 15 Aprel 2020
Ölkə mətbuatı
A- A+

"STEAM Azərbaycan" layihəsi COVİD-19 pandemiyasından qorunmaq üçün "üz sipəri", eləcə də bir çox tibbi cihaz və avadanlıqların müxtəlif detallarının sınaq istehsalını davam etdirir. Bu cihazlar tibbi personalın istifadəsi məqsədini daşıyır.

Təhsil Nazirliyindən Publika.az-a verilən məlumata görə, sözügedən proses çərçivəsində 1500-dən çox "üz sipəri" istehsal olunaraq tibb işçilərinə paylanılıb.

İstehsal prosesi insan əməyi olmadan, xüsusi 3D printerlərlə həyata keçirilir. "Üz sipəri"nin hazırlanmasında istifadə olunan məhsullar ekoloji təmiz və insan həyatı üçün təhlükəsizdir. Bu qoruyucu sipər insanın üzünü tam örtməklə hava-damcı yolu ilə yayılan infeksiyalara qarşı müdafiə rolunu oynayır.

Qeyd edək ki, "STEAM Azərbaycan" layihəsinə 2019-cu ilin sentyabr ayında Heydər Əliyev Fondunun dəstəyi ilə Təhsil Nazirliyi tərəfindən start verilib. Layihə hazırda ölkənin 42 məktəbində 6 mindən çox şagirdi əhatə edir. Layihənin əsas məqsədi şagirdlər arasında yaradıcılıq, innovasiyalar və sahibkarlıq təfəkkürünü təşviq etməkdir.


Xəbərin orijinal ünvanı: https://publika.az/news/sehiyye/310834.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR