“Rahat” marketin işçiləri arasında dava:

Bakıda yerləşən "Rahat" supermarket şəbəkəsinin filiallarından birinin işçiləri arasında dava düşüb.

Metbuat.az Qafqazinfo-ya istinadən xəbər verir ki, hadisə bu ilin martın 31-i gecə saat 23 radələrində baş verib. "Metropark" ticarət mərkəzinin birinci mərtəbəsində yerləşən "Rahat" supermarketin işçiləri həmin TM-in arxa hissəsində mübahisə ediblər. Onlardan biri, İsmayıl Kərimli iş yoldaşı Rəşad Ağakişiyevi bıçaqlayaraq xəsarət yetirib.

Həmin zaman faktla bağlı Cinayət Məcəlləsinin 128.1-ci (Qəsdən sağlamlığa yüngül zərər vurma) maddəsi ilə cinayət işi başlanılıb.

İyunun 24-də cinayəti törətməkdə şübhəli bilinən İsmayıl Kərimli tutulub. Cinayət işi Məcəllənin 126.1-ci (Qəsdən sağlamlığa ağır zərər vurma) maddəsinə tövsif edilib. Hazırda Narimanov RPİ-də istintaq davam etdirilir.


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR