Azərbaycanda daha bir tanınmış həkimdə COVID-19 aşkarlanıb.
Metbuat.az report-a istinadən xəbər verir ki, A.H.Kazımov adına 1 saylı Şəhər Poliklinikasının baş həkiminin müalicə işləri üzrə müavini Nərmin Qasımova koronavirusa yoluxub.
Hazırda həkimin vəziyyəti orta ağırdır. O, xəstəxanada müalicə olunur.
Qeyd edək ki, N.Qasımova 2002-ci ildən Səbail rayonunda yerləşən A.H.Kazımov adına 1 saylı Şəhər Poliklinikasının baş həkiminin müalicə işləri üzrə müavini vəzifəsində çalışır.
