Cari ilin 6 ayında e-sosial portalının aktiv istifadəçilərinin sayı artaraq 666 minə çatıb

Əmək və Əhalinin Sosial Müdafiəsi Nazirliyinin geniş funksional imkanlara malik “e-sosial” internet portalına ictimai maraq artmaqda davam edir.

Nazirlikdən verilən məlumata görə, bunun göstəricisi kimi, bu ilin yanvar-iyun aylarında portalın aktiv istifadəçilərinin sayı artaraq 666 minə çatıb.

Nazirliyin innovativ nailiyyətlərindən olan e-pensiya, e-müavinət və e-təqaüd sistemləri vətəndaşlara 2 növdə pensiya, 19 növdə müavinət-təqaüd təyinatını onların müraciəti, nəticədə məmur-vətəndaş təması olmadan, proaktiv qaydada aparmağa imkan yaradıb. Bu e-sistemlər vasitəsilə bu ilin 6 ayında 53 min nəfərə, ümumilikdə ötən dövrdə isə 85,1 min nəfərə e-qaydada pensiya, müavinət və təqaüd təyin olunub.

15 növdə e-arayış xidməti vasitəsilə bu ilin ilk yarımilində 324 min insana elektron qaydada arayışlar verilib, e-SSN xidməti vasitəsilə 120 min şəxsə isə elektron qaydada fərdi hesab açılıb.


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR