İspaniyanın "Real Sosyedad" komandasının yeni transferi David Silva koronavirusdan sağalıb.
Metbuat.az xəbər verir ki, 34 yaşlı futbolçu bu gün kollektivlə birlikdə məşq edib.
İspaniyalı oyunçunun sentyabrın 20-də La Liqanın II turunda "Real Madrid"lə ev matçında meydana çıxacağı gözlənilir.
Qeyd edək ki, 2019/2020 mövsümünün sonunda İngiltərə "Mançester Siti"sindən ayrılan David Silva "Real Sosyedad"a azad agent kimi keçib. Avqustun 31-də təqdimat mərasimi keçirilən futbolçuda koronavirus aşkarlandıqdan sonra o, 2 həftəlik karantinə alınmışdı.