Türkiyənin “Qalatasaray” klubunda prezident seçkiləri təxirə salınıb.
Metbuat.az apasport.az-a istinadən xəbər verir ki buna səbəb koronavirus pandemiyası göstərilib.
Klubun İdarə Heyəti 19-26 dekabr tarixlərində növbədənkənar seçkiləri təşkil etməyi planlaşdırırdı. Lakin koronavirus pandemiyası səbəb göstərilərək, seçkilərin ən azı 2021-ci il fevralın 28-nə qədər keçirilməyəcəyi açıqlanıb.
Qeyd edək ki, “Qalatasaray”ın hazırkı prezidenti Mustafa Cengizdir.
