TV8-də yayımlnanan dəb proqramı "Bu tarz benim"in birinci həftəsinin seçim gecəsində qonaq olan müğənni Hülya Avşarın sözləri qalmaqala səbəb olub.
Axşam.az Türkiyə mediasına istinadən xəbər verir ki, Hülya müğənni Yıldız Tilbenin ifa, rəqs və geyim tərzini təqlid edən yarışmaçı Gülşah haqqında "ona bənzəmədin, çünki daha gözəlsən" söyləyib.
Bu sözlərindən sonra "Təbii ki, Yıldız səhv başa düşməsin, mən ona çirkin demədim" deyərək vəziyyəti düzəltməyə çalışsa da, Tilbe Tvitterdə hadisəyə sərt reaksiya bildirib:
"Mənim gözəlliyimi ölçmək sənin kimilərə qalmayıb".
Sənətçi tvitlərində həmkarını təhqir etməkdən də çəkinməyib.
