"Ali Baş Komandan cənab İlham Əliyevin rəhbərliyi altında bir damlası düşmənin vücudundan dəyərli olan qanları ilə şanlı tarix yazan hərbçilərimiz bu şərəfli missiyanı uğurla yerinə yetirdilər".
Metbuat.az xəbər verir ki, bu sözləri Azərbaycan Respublikasının Hərbi prokuroru, ədliyyə general-leytenantı cənab Xanlar Vəliyev "Respublika" qəzetinin "Vətən Müharibəsi-44 Gün" adlı kitab şəkilində olan xüsusi buraxılışında ön söz olaraq yazıb.
"Vətən Müharibəsi-44 Gün" adlı kitabın həm də layihə rəhbəri olan Xanlar Vəliyevin yazdığı ön söz "Azərbaycan Respublikasının Prezidenti, Silahlı Qüvvələrin Ali Baş Komandanı İlham Heydər oğlu Əliyevin tarixi qələbəsi" sərlövhəsi ilə "Respublika" qəzetinin bugünkü buraxılışında dərc edilib.
