x
Loading...
.

“Haber Global”: “Tarixdə dəhşət səhifəsi olan Xocalı” - FOTO

.

613 şəhid... Çoxu qadın, uşaq, qoca... Doğulub böyüdükləri ata-baba torpaqlarında öldürüldülər. 20-ci əsrdə insanlığa qarşı törədilən cinayətin adı, tarixə həkk olunmuş qara ləkə: Xocalı soyqırımı.

Metbuat.az xəbər verir ki, bu barədə “Haber Global”ın Xocalı soyqırımının 29-cu ildönümünə həsr edilən reportajında qeyd edilir.

Bildirilir ki, Sovet İttifaqının dağılması ilə Azərbaycana qarşı ərazi iddiasına və hücuma başlayan ermənilər bölgədə tək hava limanına sahib olan, 1991-ci ilin son günlərində mühasirəyə aldıqları və strateji baxımdan əhəmiyyətli olan Xocalını ələ keçirmək üçün hərəkətə keçiblər.

25 fevral 1992-ci ildə aylarla davam edən hücumlarını gücləndirən ermənilər, o zaman Xankəndidə yerləşən Sovet ordusunun 366-cı motoatıcı alayının köməyi ilə dinc sakinləri vəhşicəsinə qətlə yetirib, əsirlərə olmazın işgəncələr veriblər.

Avropa İnsan Hüquqları Məhkəməsinin 22 aprel 2010-cu il tarixli qərarında Xocalı hadisəsi müharibə cinayətlərinə və ya insanlığa qarşı cinayətlərə bərabər hərəkət kimi qəbul edilir.

Bu günə qədər 15 ölkənin parlamenti və ABŞ-ın 16 ştatının parlamenti Xocalı hadisələrini qınayan və soyqırımı kimi qəbul edən qərarlar qəbul ediblər.

Xocalıdakı hadisələri dünyaya elan etməyə davam edən Azərbaycan beynəlxalq ictimaiyyətdən cinayətkarların cəzalandırılmasını tələb edir.(Baku.ws)


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR