Yunanıstanda 6 bal gücündə zəlzələ baş verib.
Metbuat.az-ın TASS-a istinadən məlumatına görə, bu barədə Avropa-Aralıq dənizi Seysmoloji Mərkəzi məlumat yayıb. Təbii fəlakətin episentri Larisa şəhərindən 29 kilometr şimal-qərbdə yerləşib. Zəlzələ ocağı 2 kilometr dərinlikdə qeydə alınıb. Dağıntı və itkilər barədə hələlik məlumat açıqlanmayıb.
Qeyd edək ki, martın 4-nə keçən gecə də Larisa şəhəri yaxınlığında 6,2 bal gücündə zəlzələ olmuşdu. Evləri dağılan insanlar gecəni küçədə müvəqqəti çadırlarda keçirməli olub.
