Ölkədə vətəndaşlar tərəfindən daxil olan şikayətlərə, sorğulara baxılması üçün dövlət orqanlarının "qaynar xətt" xidmətləri fəaliyyət göstərir.
Amma görəsən qaynar xəttlərin fəaliyyəti daxil olan şikayətləri həll edəcək qədər operativdirmi?
Mövzu ilə əlaqədar Metbuat.az bir sıra dövlət qurumunun "qaynar xətt" xidmətindən münasibət öyrənməyə çalışıb.
Dövlət Gömrük Komitəsinin Mətbuat katibi Natiq Axundov bildirdi ki, onların Çağrı mərkəzinə gələn zənglər operativ cavablandırılır.
“Biz hər ay DGK-nın qaynar xəttinə gələn zənglərin hesabatlarını da hazırlayıb ictimaiyyətə təqdim edirik. 2021-ci ilin fevral ayı ərzində 11 929 çağrıya cavab verilmişdir. Onlardan da 5659-u elektron xidmətlər ilə bağlı olmuşdur.
